ViraBrahmaSuprabhatam

దీప వెలుగుల రంగేళీ తెలుగు జిలుగుల దీపావళి

వికీపీడియా నుండి సేకరించబడినది
Continue Reading... ని క్లిక్ చేయండి


ఆశ్వీజ మాస బహుళ చతుర్ధశిని “నరక చతుర్ధశి” అని, ఆ మరుసటి రోజును “దీపావళి” అమావస్య అని అంటారు.
పూజానంతరం అందరూ ఉత్సాహంగా సాయంత్రం ప్రదోష సమయంలో (నువ్వులనూనెతో లేక ఆవునేతితో) మట్టి ప్రమిదలలో దీప తోరణాలు వెలిగించి చిన్నా, పెద్దా ఆముదపు మూడు గుంపుల కోమ్మకు లేక చెరకు దవ్వ లేక మరియు గోగునార కట్టలకి దూది లేక చిన్న చిన్న తేల్లటి గుడ్డ ముక్కల్ని కట్టి వెలిగించి (ఎవరి ఆచారాన్ని బట్టి వారు) దిబ్బు దిబ్బు దీపావళి మళ్ళీ వచ్చే నాగులచవితి... అంటూ గాలిలో త్రిప్పుతూ తరువాత బాణాసంచా కాల్చడానికి సంసిద్దులౌతారు. వర్షఋతువులో ఏర్పడిన తేమవల్ల పుట్టుకువచ్చే క్రిమి కీటకాలు బాణాసంచా పొగలకి నశిస్తాయని శాస్త్రీయం.

దసరా పండగ శుభాకాంక్షలు

Continue Reading... ని క్లిక్ చేయండి

ఆశ్వయుజ శుద్ధ పాడ్యమి నుండి తొమ్మిది రోజులు దేవీ నవరాత్రులు పదవ రోజు విజయ దశమి కలసి దసరా. ఇది ముఖ్యముగా శక్తి ఆరాధనకు ప్రాధాన్యత ఇచ్చే పండుగ. ఈ పండుగకు నవరాత్రి, శరన్నవరాత్రి అని శరదృతువు ఆరంభంలో వచ్చే పండుగ దసరా. నవరాత్రి ఉతవాలలో ఆలయాలలో పార్వతీదేవికి రోజుకు ఒక అంకరణ చేస్తారు మొదటి రోజు శైల పుత్రి, రెండవ రోజున బ్రహ్మచారిణి, మూడవ నాడు చంద్రఘంటాదేవి, నాల్గవ రోజున కూష్మాండాదేవి, అయిదవ రోజున స్కందమాత, ఆరవ రోజున కాత్యాయినీ, ఏడవరోజున కాళరాత్రి, ఎనిమిదవ రోజున మహాగౌరి, తొమ్మిదవ రోజున సిద్ధిధాత్రిదేవిగా పూజిస్తారు. పార్వతీ దేవిని కనక దుర్గగా, మహా లక్ష్మిగా, అన్నపూర్ణగా, గాయత్రిగా, బాలాత్రిపురసుందరిగా, రాజరాజేశ్వరిగా, మహిషాసుర మర్ధినిగా ఆరాధిస్తారు. ఈ పండుగకు మొదటి మూడు రోజులు పార్వతిదేవికి తరవాతి మూడు రోజుల లక్ష్మీ దేవికి తరవాతి మూడురోజులు సరస్వతి దేవికి పూజలు నిర్వహిస్తారు. ఈ సమయంలో పూజలో విద్యార్ధులు తమ పుస్తకాలను మరియు ఆయుధాలు ఉంచుతారు మరియు బొమ్మల కొలువు పెట్టడం చేస్తారు. మన తెలుగు వారు దసరాని పది రోజులు జరుపుకుంటాము. ముందు నవరాత్రులు దుర్గ పూజ ఉంటుంది. జగన్మాత అయిన దుర్గా దేవి, మహిషాసురుడనే రాక్షసుని తో 9 రాత్రులు యుద్ధము చేసి అతనిని వధించి జయాన్ని పొందిన సందర్భమున 10వ రోజు ప్రజలంతా సంతోషముతో పండగ జరుపుకున్నారు, అదే విజయదశమి. ఈ 9 రోజులూ దసరా వేషాలు వివిధ దేవుళ్ళ వేషధారణలతో, పగటి వేషాలు, పులివేషాలు సంభరాలు మిన్నంటుతాయి. ప్రాధమిక పాఠశాల ఉపాద్యాయులు విద్యార్ధులను వెంట పెట్టుకొని విద్యార్ధుల అందరి ఇళ్ళకు వెళ్ళి మామూలు పుచ్చుకోవడం మామూలే. ఈ సమయంలో వెదురు కర్రతో చేసి రంగు కాగితాలతో అలంకరించిన బాణాలు విద్యార్ధులు పట్టుకుని అయ్యవారి వెంట వస్తారు. విద్యార్ధులు ఏదయా మీ దయా మామీద లేదు, ఇంత సేపుంచుటా ఇది మీకు తగునా .. అయ్యవారికి చాలు అయుదు వరహాలు, పిల్ల వాళ్ళకు చాలు పప్పు బెల్లాలు అంటూ రాగయుక్తంగా పాడుకుంటూ అయ్యవారి వెంట వస్తారు. సంవత్సర కాలంలో సేవలందించిన వారు దసరా మామూలు అడగటం పరిపాటి. కొత్తగా వివాహం జరిగిన ఆడపడచుని భర్తతో సహా ఇంటికి ఆహ్వానించి అల్లుడికీ కూతురికీ నూతనవస్త్రాలు, కానుకలు ఇచ్చి సత్కరించడం కూడా అలవాటే.

విశ్వబ్రహ్మణులకు/విశ్వకర్మలకు విశ్వకర్మ జయంతి శుభాకాంక్షలు

విశ్వబ్రహ్మణులకు/విశ్వకర్మలకు విశ్వకర్మ జయంతి శుభాకాంక్షలు

Continue Reading... ని క్లిక్ చేయండి

పంచ శిల్ప బ్రహ్మలు


శ్లో నభూమి నజలం చైవ నతేజో నచ వాయవః
నచబ్రహ్మ నచవిష్ణు నచనక్షత్ర తారకః
సర్వశూన్య నిరాంబం స్వయంభూ విశ్వకర్మణః

తా భూమి – జలము – అగ్ని – వాయువు – ఆకాశము,
బ్రహ్మ – విష్ణు – మహేశ్వర – ఇంద్ర –సూర్య – నక్షత్రంబులు
లేని వేళ విశ్వకర్మ స్వయంభు రూపమైయుండెను.

భూమి నీరు అగ్ని గాలి బ్రహ్మ విష్ణు రుద్రుడు నక్షత్రా లేమియు లేనపుడు విశ్వకర్మ భగవానుడు తనంత తాను సంకల్ప ప్రభావంచేత నవతరించాడు. ఆ స్వయంభూ విశ్వకర్మ పరమేశ్వరునకే విశ్వాత్ముడు, విశ్వేశ్వరుజు, సహస్ర శిర్షుడు! సగుణ బ్రహ్మం, అంగుష్ట మాత్రుడు, జగద్రక్షకుడు బ్రహ్మ విష్ణు మహేశ్వరుడు మొదలైన అనంతనామనులు – అనంతరూపములు కలిగినై. “ ప్రజాపతి విశ్వకర్మ మనః “ అని కృష్ణ యజుర్వేదమున విశ్వకర్మయే ప్రజాపతియైన బ్రహ్మయనియు చెప్పబడినది. ఆయనకు సద్యోజాత, వామదేవ, అఘోర, తత్పురుష, ఈశానము లనెడి నైదు ముఖలు.

శ్లో పూర్వావనా త్సానగః దక్షణా త్సనాతనః
అపరా దహభూవః ఉద్వీచ్యాం ఉర్ధవాత్సుపర్ణః

తా తూర్పు ముఖమునందు సానగ ఋషి, దక్షిణ ముఖము నందు సనాతన ఋషి, పశ్చిమ ముఖము నందు అహభూన ఋషి, ఉత్తర ముఖము నందు బ్రత్న ఋషి, ఊర్ధ్వముఖము నందు సుపర్ణ ఋషులుద్బవించిరి.

విశ్వకర్మ పరాత్పరుని యొక్క తూర్పు ముఖమైన సద్యోజాతము నందు సానగబ్రహ్మర్షి మకుబ్రహ్మయు, దక్షిణముఖమైన వసుదేవము నందు సనాతన మహర్షి యను మయబ్రహ్మయు, పశ్చిమముఖమైన అఘేరియునందు అహభూవ మహర్షి యను త్వష్టబ్రహ్మయు, ఉత్తరముఖమైన తత్పురుషము నందు ప్రత్న మహర్షి యను శిల్పి బ్రహ్మయు, ఊర్ధ్వముఖమైన ఈశానము నందు సువర్ణ మహర్షియను విశ్వజ్ఞబ్రహ్మయు ప్రభవించినట్లు చెప్పబడినై.


శ్లో మమశ్చ యీశ్వరోనామ విష్ణునామ మయస్ధధా
బ్రహ్మనామ భవేత్వష్టా శిల్పమహ్మేంద్ర నామశ్చ
విశ్వజ్ఞ సూర్యనామాశ్చాత్ విస్వకర్మాగ్రనందనః

తా నానుండి ఉద్భవించిన మనుబ్రహ్మ సాక్షాదీశ్వరుడు, మయబ్రహ్మ సాక్షాత్ నారాయణుడు, త్వష్ట బ్రహ్మ సాక్షాత్పితామహుడు, శిల్పి బ్రహ్మ సాక్షాత్ దేవేంద్రుడు, విశ్వజ్ఞబ్రహ్మ సాక్షాత్ సూర్యుడు వేదములందులుండినవి.


మనుబ్రహ్మకళ శివుడనియు, మయబ్రహ్మ కళ విష్ణువనియు, త్వష్ఠ బ్రహ్మ కళ బ్రహ్మయనియు , శిల్పి బ్రహ్మ కళ దేవేంద్రుడనియు, విశ్వజ్ఞబ్రహ్మ కళ సూర్యుడనియు వేదములు చెప్పుచున్నవి. విరాడ్విశ్వకర్మ పంచముఖాల నుండి పంచశిల్పి బ్రహ్మలుదయించినట్లే ఆయన శరీరార్ధము నుండి ఆదిశక్తి పరాశక్తి ఇచ్ఛాశక్తి క్రియశక్తి జ్ఞానశక్తులను పేరులందు నైదు శక్తులవతరించినై............. అందు ఆదిశక్తి యనంబడు పార్వతీదేవి సానగఋష్యంశ మనుబ్రహ్మయైన శివముర్తి నాదరించింది. పరాశక్తి యనంబడు లక్ష్మీదేవి సనాతన ఋష్యంశ మయబ్రహ్మయైన విష్ణుమూర్తి నావరించింది. ఇచ్ఛా శక్తి యనంబడు సరస్వతీదేవి ఆహభూన ఋష్యంశ త్వష్ట బ్రహ్మయైన బ్రహ్మమూర్తి నావరించింది. క్రీయా శక్తి యనంబడు శచీదేవి ప్రత్ని ఋష్యంశ శిల్పి బ్రహ్మయైన యింద్రమూర్తి నావరించింది. జ్ఞానశక్తియనంబడు సంజ్ఞాదేవి సువర్ణ ఋష్యంశ విశ్వజ్ఞ బ్రహ్మయైన సూర్యమూర్తి నావరించింది. మఱియు హనుమచ్ఛిల్ప శాస్త్రము నందు.

శ్లో తిధిరూపంచ మనుః ప్రోక్తమ్ వారంచ మయసంభవా
నక్షత్రం త్వష్ట రూపంచ శిల్పి యోగం తధైవచ
విశ్వజ్ఞ కరణంబైవ పంచాంగ మధిదేవతాః
పంచాంగ మనగ తిధి వారం నక్షత్రం యోగం కరణంబులను నైదంగంబులతో గూడినదని తెలియుచున్నది. అందలి తిధి మను బ్రహ్మచేతను – వారం మయబ్రహ్మచేతను – నక్షత్రం త్వష్ట బ్రహ్మచేతను – యోగం శిల్పిబ్రహ్మచేతను – కరణం విశ్వజ్ఞబ్రహ్మచేతను కల్పింపబడినై మఱియు వీరిలో మనుబ్రహ్మ అయోశిల్ప మనెడి కమ్నరమున కత్తికఱ్ఱు కుదురులు మొదలైన వాటిని జేసి ప్రజలకిచ్చిన శిల్పాచార్యుడు. మయబ్రహ్మ దారు శిల్పమనెడి వడ్రంగమున నాగలి ముల్లుగఱ్ఱ బండి యిల్లు మొదలైన వానిని నిర్మించిన యిచ్చిన శిల్పాచార్యుడు. త్వష్టబ్రహ్మ కాంశ్వతామ్ర శిల్పమనెడి లోహశిల్పమున వంటపాత్రలు, దేవతార్చనా పరికరములు మొదలైన వానిని రూపొందించి యిచ్చిన శిల్పాచార్యులు. శిల్పి బ్రహ్మ స్ధపతియై శిలా శిల్పమున దేవాలయములు, భవనములు మొదలైన వానిని వెలయించి యిచ్చిన శిల్పచార్యుడు. విశ్వజ్ఞబ్రహ్మ స్వర్ణశిల్పమున ఆభరణములు మాంగల్యముల చిత్రించి యిచ్చిన శిల్పచార్యుడు. ఈ స్వర్ణశిల్పశాలకే అర్కశాల యనియు పేరు. అర్కశాల కాలక్రమంబుగా అగసాలగ, కమసాలగా కూడా మారినది, అట్టి లోకకల్యాణ స్వరూపులైన మీ పంచబ్రహ్మలకు నేనిదే ప్రత్యేకాభివందనములు జేయుచున్నాను.
మను బ్రహ్మ స్వరూప శంకరదేవా ! సానగ ఋషి గోత్రం – అశ్వలాయన సూత్రం – సద్యోజాత ప్రవర – ఋక్శాభా – స్పటికవర్ణం – వెండిదండం – వెండిజందెం – త్రికోణ హోమకుండం – కాలమేఘవాహనం – ఋగ్వేద పారాయణుండఁవైన నీకిదే నా నమస్కారం .
మయబ్రహ్మ స్వరూప విష్ణుదేవా ! సనాతన ఋషి గోత్రం – ఆపస్ధంబ సూత్రం – వాసుదేవ ప్రవర – యజుశ్శాఖ – నీలవర్ణం – చతుష్కోణ హోమకుండం – వెదురు దండం పద్మజందెం – నీల మేఘవాహనం యజుర్వేద పారాయణుండవైన నీకిదే నా నమస్కారం.
త్వష్టబ్రహ్మ స్వరూప బ్రహ్మదేవా! అహభూన ఋషి గోత్రం – ద్రాహ్యాయన సూత్రం – అఘోర ప్రవర – శామశాఖ – తామ్రవర్ణం – వర్తృలాకార హోమకుండం – రావిదండం – రాగిజందెం – మహా నీల మేఘవాహనం – సామవేద పారాయణువైన నీకిదే నా నమస్కారం.
శిల్ప బ్రహ్మ స్వరూప యింద్రదేవా ! ప్రత్ననఋషి గోత్రం –ఆప్యాయన సూత్రం – తత్పురుష ప్రవర – ఆధర్వణ శాఖ – ధూమ్రవర్ణం – పంచకోణ హోమకుండం – బెత్తపుదండం – నూలుజందెం – కుంభమేఘ వాహనం – ఆధర్వణవేద పారాయణుండవైన నీకిదే నా నమస్కారం.
విశ్వజ్ఞబ్రహ్మ స్వరూప సూర్యదేవా! సువర్ణఋషి గోత్రం – కాత్యాయనీ సూత్రం – ఈశాన ప్రవర – ప్రణవశాఖ – హేమవర్ణం – అష్టకోణ హోమకుండం – బంగారుదండం – బంగారు జందెం – వాయల మేఘ వాహనం – ప్రణవవేద పారాయణుండవైన నీకిదే నా నమస్కారం.

నేడు తెలుగు భాషా దినోత్సవం

తెలుగు బ్లాగర్లకు మరియు తెలుగు ప్రజలకు తెలుగు భాషా దినోత్సవం శుభాకాంక్షలు

62వ స్వాతంత్ర్య దినోత్సవ శుభాకాంక్షలు

పింగళి వెంకయ్యగారు

స్వాతంత్ర్య సమరయోధులు, మన తెలుగు వారు.
భారతదేశ జాతీయ పతాక రూపకర్త
1916 సంవత్సరం లక్నోలో జరిగిన భారత జాతీయ కాంగ్రెస్ సమావేశంలో వెంకయ్య తయారు చేసిన జాతీయ జెండానే ఎగురవేశారు. మన జాతికొక పతాకం కావాలని, అదీ ఒక ఆంధ్రుని ద్వారా నెరవేరడం, ఆంధ్రులందరికీ గర్వకారణమైన విషయం























కృష్ణాష్టమి శుభాకాంక్షలు

నిర్వికల్ప జీవసమాధి

శ్రీమధ్ అఖిలాండకోటి బ్రహ్మాండనాయక, సర్వమత సమతావాది, భూతభవిష్యత్ వర్తమాన కాలజ్ఞాన ప్రచారకుడు, కలియుగ వైతాళికుజడు, శ్రీ శ్రీ శ్రీ వీరబ్రహ్మేంద్రస్వామివారి 316 వ నిర్వికల్ప జీవసమాధి మహొత్సవం ఈ రోజు ఆంధ్రప్రదేశ్ ఆంతాటా జరుపుకోంటున్నారు.

తెలుగు వారికి నూతన సంవత్సర శుభాకాంక్షలు

విరోధినామ సంవత్సరానికి స్వగతం
చైత్ర శుద్ద పాడ్యమి నాడు ఉగాది పండుగను జరుపుకొంటాము.
యుగ+ఆది=ఉగాది
తెలుగు వారే కాక కన్నడ ప్రజలు కూడా ఈ పండుగ ఈ రోజె జరుపుకుంటారు సుమీ.
కన్నడ లో ఉగాదిని బెవుబెల్ల అని అంటారండి
మన ఉగాది పచ్చడి అన్ని రుచుల సమ్మేళనం అని అందరికి తెలుసనుకోండి
మన జీవితం కూడా అంతే, వచ్చే ఒడిదుడుకు లను తట్టుకోవాలిమరి
అన్నిటిని సమానంగా తీసుకోవాలండి
ఈ పండగ ప్రతేకతగా పంచాంగ శ్రవణం ఉదయాన్నే మొదలవుతుందండీ
ముందు జాగర్తగా సంవత్సరలో ఉండే ఒడిదుడుకులను అర్ధం చేసుకొని మసలడానికి వీలుగా సుమీ
ఇదిగో ఉగాది పచ్చడి తయార్


మహారాష్ర్టలో ఉగాదిని గుధిపాడ్వా ఆంటారని వినికిడి
కవి సమ్మేళనం
కవి సమ్మేళనం ఆంటె జ్ఞాపకం వచ్చింది అష్ఠావధానం/ శతావధానం ఏంత బాగుంటుందండి
ఇది మన తెలుగు వారి ప్రత్యేకత సుమీ, ఇది మన తెలుగు వారి కీర్తి కీరీఠం.
మరి యొక్క సారి తెలుగు వారికి నూతన సంవత్సర శుభాకాంక్షలు

విశ్వకర్మా ! నీకు జోహార్లు!

1. నిర్మలంబగు నీరు ద్రాగవలెనన్న

ద్రవపాత్ర నిర్మించు ద్రష్టాధీశుడు విశ్వకర్మ కదా !

2. సుఖ నిద్ర సమున్నతముగ పొందవలెనన్న

పట్టె మంచం గావించు ప్రాజ్ఞుడు విశ్వకర్మ కదా!

3. గృహములు నిర్మించి నివసించవలెనన్న

గృహ ద్వారబందాలు నిర్మించు ఘనుడు విశ్వకర్మ కదా!

4. పడతితో పురుషుడు పరిణ మాడవలెనన్న

పడతికి మాంగళ్య సూత్రం చేయు విశ్వజ్ఞుడు విశ్వకర్మ కదా!

5. దేవాలయం నందు దేవుని ప్రార్ధించవలెనన్న

దేవతా ప్రతిమను చేయు శిల్పజ్ఞుడు విశ్వకర్మ కదా!

6. పొలములో హలముతో దుక్కి దున్నవలెనన్న

ఆ హలము చేయు సూత్రధారుడు విశ్వకర్మ కదా!

7. ఆధునిక యుగంలో యంత్రప్రగతి సాధించవలెనన్న

యంత్రపరికరములు చేయు ప్రాజ్ఞుడు విశ్వకర్మ కదా!

8. పంచలోహములతో వివిధాకృతులు చేయవలెనన్న

సుందర రూపములు చేయు స్కంభనేభుడు విశ్వకర్మ కదా!

9. తల్లి గర్బం నుండి వచ్చు బిడ్డకు బొడ్డు కోయవలెనన్న

పదునైన కత్తిని చేయు త్వష్టాధీశుడు విశ్వకర్మ కదా!

10. విద్యల నేర్చు సమయాన హస్తాలతో వ్రాయవలెనన్న

హస్త లాఘవం గల ఘంటంబు చేయు ఘటికుడు విశ్వకర్మ కదా!

11. మరణానంతరం మనిషిని మట్టిలో మట్టు పెట్టవలెనన్న

మట్టిని త్రవ్వుటకు పలుగు-పారలు, చేయు మాన్యుడు విశ్వకర్మ కదా!

12. విశ్వ విఖ్యాతి చెందిన వేమన శతకములో

విశ్వకర్మ లేని విశ్వంబు లేదురా, విశ్వదాభిరామ వినుర వేమ లో

అభిరాముడు విశ్వకర్మ కదా!

అందులకే – ఓ విశ్వకర్మా! నీకు జోహార్లు.

రచన

సామోజు భోగలింగాచారి,

విశాఖపట్నం

బ్రహ్మంగారి కాలజ్ఞానం


రాముడైనా నేనే కృష్ణుడైనా నేనే
సర్వంబు నేనని తెలియండయా
వాడ భేదములేల శ్రీ వేంకటేశుడై
ధరణిలో వెలసినది నేనేనయా..

అంతటి కృష్ణుడు అందగాయుందియూ
పాండవులు పడరాని కష్టాలు పడ్డారయా
రాజది రాజులై భిక్షమెత్తారు దైవలీలలు
కనగ ఎవ్వరికీ తరమౌను ...

నన్ను తలచిన యెడల నా దర్సనంబిత్తు
సత్యమ్బు నా మాట నమ్మందయా
మాయ శక్తులు చేయు ప్రళయంబులెన్నైన
మ్మిమంటబోవని తెలియండయా ...

నన్ను తలచిన వారు నామయ యటంచు
ఐశ్వర్యవంతులుగా నుండేరయా
ఎట్టి ఆపదలైనా ఎన్ని కష్టములైన
నేనుండి తొలగింతు నమ్మండయా ... ఇంకా వుంది

మనిషికి తెలియని మర్మమేది లేదు
తానెవరో మాత్రము తెలియలేదు
బయటి విషయముల తెలియు తననుండి తెలియదు
తన్ను తానేరుగుతకు తీరికేయుండదు. ...

సూర్యుని తేజస్సు క్రమముగా తగ్గెను
జీవరాశులు ఎన్నో నశియించి పోయెను
శాస్త్రవేత్తలకడి గోచరము కాకుండా
దైవమే గతియని ప్రార్ధనలు చేసేరు....

బాహ్య విషయములకై పరుగెత్తినావంటే
ఏడ్పించి నీ పై స్వారీ జేసెను
పరమాత్మ వైపున మనస్సు నిలిపావంటే
ప్రకృతే నీ పాద సేవ జేసెను...

మంచితనమునకు మించు శక్తేది బలమేది
ఉజ్వల మైనట్టి సుగుణంబురా
మంచి వాని మంచి సుఖ సౌఖ్యములనిచ్చు
చెడు సర్వనాశనం జేసేనురా ...

భ్రమలు తిప్పగా లేక బానిసగా బ్రతికేరు
సత్యంబు అన్నది తెలియండయా
మానవ జన్మము దొరికేది దుర్లభము
దేవతలు దీనికి వగచేరయా...

కన్నా యోనులయండు పుట్టి గిట్టుచునుండా
కడగండ్లు ఏనాడు తీరేదయ
ఖర్మలే జన్మలకు మూలమని తెలుసుకుని
కడతేరు మార్గంబు వెతకండయా ...

వ్రతములు పూజలు తీర్ధ యాత్రలు జేసి
జఘనుల మనుచు విర్రవీగెరయ
కపట కల్మషము కడుపులో నుండగా
అవిఎల్ల దండగే తెలియండయా ...

వేదాన్తులమనుచు విర్రవీగుచు జనులు
వెర్రివెర్రిగా ఏదో పలికేరాయ
మనసు నిలుపగాలేరు మోక్షమందగాలేరు
మండభాగ్యులకెల ఈ గొడవయ ......

బ్రహ్మంగారి కాలజ్ఞానం
వీరబ్రహ్మము యొక్క వేద వాక్యంబులు
ధరణిలో తప్పక జరిగేనయా
కలిమాయలో పడక నన్ను నమ్మియు మీరు
కడతేరు మార్గంబు వెతకండయా!

స్వయముగా వెలిగేటి శక్తి దేనికి లేదు
సర్వేశ్వరుని తప్ప తెలియండయా
సూర్యచంద్రాదులు, సర్వగ్రహంబులు
ఆ వెలుగుతో వెలుగుచున్నాయరా!

అనంత విశ్వములో ఈ గోళమెంతరా?
ఇందులో వున్నట్టి నీశక్తి యెంతరా?
సర్వమును కాపాడు సర్వశక్తిని నీవు,
శరణు బొందుటే నీదు ధర్మంబురా!

కోటీశ్వరునికైన కోటి చింతలు వుండు
చింతలేని బ్రతుకు వెతకాలిరా
చింతలపాలైన సిరికి బానిసలయి
శాంతినే కోల్పోయి యేడ్చేరయా!

వచ్చింది తెలియదు పోయేది తెలియదు
మధ్యలో మన బ్రతుకు ఏమౌనో తెలియదు
ఏమి తెలియని జన్మ కెందుకుర గర్వంబు
అందరిని కాపాడు ఆది పురుషుని నమ్ము!

తనకున్న సంపదను పేరు ప్రతిష్టలను
చెప్పుకొని గర్వించు చుంటారయా
మూన్నాళ్ల బ్రతుకిది యముడు వచ్చాడంటే
మీ గొప్ప ఏమిటో తెలియండయా!

నావారు ఉన్నారు నా ఆస్థులున్నాయి
నా కేమి తక్కువని మురిసేరయా
కాలంబు తీరెనా ఈ లోకము నుండి
తరిమివేయ బడును తెలియండయా!

నాది నాది యనుచు గర్వించి చెప్పేరు
తల్లి గర్భము నుండి ఏమి తెచ్చారు
ఆరు అడుగుల నేల అందరిని పూడ్చుటకు,
అదియును మీదని ఎవరు చెప్పారు?

చేతిలోని ముద్ద నోటి లోనికి పోదు
శివునాజ్ఞ లేనిదే తెలియండయా
సర్వంబు నేననుచు గర్వంబుతో
జడుడు సర్వనాశన మొంది సచ్చేరయా!

ఈ లోకమందున పుట్టినందుకు నీవు
గుర్తునకు ఏదైనా మంచి జేసి వెళ్లు
లేకున్న క్రిములకు నీకు తేడా యేమి
ఇంకెంత కాలంబు బ్రతికేవురా!

నీ తల్లి పార్వతీ నీ తండ్రి శంకరుడు,
ఆలి మాయా శక్తి అంశంబురా
నీ కన్నబిడ్డలే గణపతాంశము తెలియ
అట్టి వారి మెప్పు పొందాలిరా!

సముద్రాలు పొంగేట్టు గాలులే కదిలేట్టు
చేసే మహా శక్తి మనిషిలో ను ఉంది
నీలోని శక్తిని భక్తిని ధ్యానింప
ఆదైవ దర్శనం కలిగేనయా!

ఎన్ని విద్యలు నేర్చి ఎంత చదివినగాని
ప్రతిక్షణము చావుతో పోట్లాటయా
చావు లేని చదువు నేర్వంగ జాలరు
ఇది యేమి కర్మమో తెలియండయా!

దానంబు చేయకే దరిద్రులయ్యేరు
దైవమును నిందింప ఫలమేమయ
పదుగురికి ధర్మంబు చేసిన పుణ్యమే
జన్మ జన్మకు వెంట వచ్చేనయా!

మీరేది చల్లేరో అదియే పండును గాని
లేని దానికి ఏల యేడ్చేరయా
కర్మలకు దేవునికి సంబంధమే లేదు
ప్రకృతియే దీనికి మూలంబయా!

ఆత్మలో న మార్పు కలిగినప్పుడేగాని
తత్వంబు మారునని తెలియండయా
వేషభాషలు పెంచి వేయి విద్యలు
నేర్వ వెతలెట్లు పోవునో తెలియండయా

మతముల పేరిట మత్సరంబులు పెరిగి
మదియించి కొట్టుకొని సచ్చేరయా
మనువు వంశం నుండి మనుషులందరూ పుట్టు
మతము లెన్నుండునో తెలియండయా!

బ్రహ్మంగారి కాలజ్ఞానం
వీరబ్రహ్మము యొక్క వేద వాక్యంబులు
ధరణిలో తప్పక జరిగేనయా
కలిమాయలో పడక నన్ను నమ్మియు మీరు
కడతేరు మార్గంబు వెతకండయా!


స్వయముగా వెలిగేటి శక్తి దేనికి లేదు
సర్వేశ్వరుని తప్ప తెలియండయా
సూర్యచంద్రాదులు, సర్వగ్రహంబులు
ఆ వెలుగుతో వెలుగుచున్నారయా!


అనంత విశ్వములో ఈ గోళమెంతరా?
ఇందులో వున్నట్టి నీ శక్తి యెంతరా?
సర్వమును కాపాడు సర్వ శక్తివి నీవు
సరణు బొందుటే నీదు ధర్మంబురా!


కోటీశ్వరునికైన కోటి చింతలు వుండు
చింతలేని బ్రతుకు వెతకాలిరా
చింతలాపాలైన సిరికి బానిసలయి
శాంతినే కోల్పోయి యేడ్చేరయా!


వచ్చింది తెలియదు పోయేది తెలియదు
మధ్యలో మన బ్రతుకు ఏమౌనో తెలియదు
ఏమి తెలియని జన్మ కెందుకుర గర్వంబు
అందరిని కాపాడు ఆది పురుషుని నమ్ము!


తనకున్న సంపదను పేరు ప్రతిష్టలను
చెప్పుకొని గర్వించు చుంటారయా
మూన్నాళ్ళ బ్రతుకిది యముడు వచ్చాడంటే
మీ గొప్ప ఏమిటొ తెలియండయా!


నావారు ఉన్నారు నా ఆస్తులున్నాయి
నాకేమి తక్కువని మురిసేరయా
కాలంబు తీరినా ఈ లోకము నుండి
తరిమివేయ బడును తెలియండయా!


నాది నాది యనుచు గర్వించి చేప్పేరు
తల్లి గర్భము నుండి ఏమి తెచ్చారు
ఆరు అడుగుల నేల అందరిని పూడ్చుటకు
అదియును మీదని ఎవరు చెప్పారు?


చేతిలోనీ ముద్ద నోటి లోనికి పోదు
శివునాజ్ఞా లేనిదే తెలియండయా
సర్వంబు నేననుచు గర్వంబుతో
జడుడు సర్వనాశన మొంది సచ్చేరయా!


ఈ లోకమందున పుట్టినందుకు నీవు
గుర్తునకు ఏదైనా మంచి జేసి వెళ్ళు
లేకున్న క్రిములకూ నీకు తేడా యేమి
ఇంకెంత కాలంబు బ్రతికేవురా!


నీ తల్లి పార్వతీ నీ తండ్రి శంకరుడు
ఆలి మాయ శక్తి అంశంబురా
నీ కన్నబిడ్డలే గణపతాంశము తెలియ
అట్టి వారి మెప్పు పొందాలిరా!

బ్రహ్మంగారి కాలజ్ఞానం
చెప్పలేదంటనక పొయ్యేరు నరులార గురుని
చేరి మ్రొక్కితే బ్రతక నేర్చేరూ.

చెప్పలేదంటనక పొయ్యేరు
తప్పదిదిగో గురుని వాక్యము
తప్పు ద్రోవల బోవు వారల
చప్పరించి మ్రింగు శక్తులు
ముప్పెతనమున మోసపొయ్యేరు అదిగాక కొందరు
గొప్పతనమున గోసుమీరేరు.

ఇప్పుడప్పుడనగరాదు
ఎప్పుడో ఏ వేలనో మరి
గుప్పు గుప్పున దాటి పోయేడు
గుర్రపడుగులు ఏరుపడును
తాకుతప్పులు తలచకున్నారు - తార్కాణమైతే
తక్కువెక్కువ తెలియనేర్తూరు

జోక తోడుత తల్లి పిల్లలు
జోడు బాసి అడవులందు
కాకి శోకము చేసి ప్రజలు
కాయ కసురులు నమిలి చత్తురు
కేక వేసియు ప్రాణమిడిచేరు - రాకాసి మూకలు
కాక బట్టి కలవరించేరు

ఆకసమ్మది ఎర్ర బారును
ఆరు మతములు ఒక్కటౌను
లోకమందలి జనములందరు
నీరునిప్పున మునిగి పోదురు
అగలు విడిచి పొగలు దాటేరు-అది గాక పట్ట
పగలు చుక్కలు చూసి భ్రమసేరు

భుగులు భుగులు ధ్వనులు మింటున
పుట్టియేగిన పిమ్మటాను
దిగులు పడుచూ ప్రజలు చాలా
దిక్కులేని పక్షులౌదురు
పాతకూతా పదట గలిసేరు -పరిపూత చరితులు
సాధువులు సంతసింతురు

భూతలంబున నిట్టి వింతలు
పుట్టియనగిన పిమ్మటాను
నీతికృతయుగ ధర్మమప్పుడు
నిజము నిలకడ మీద తెలియును
ఏమో ఏమో ఎరుగకున్నారు - ఎందెందు జూచిన
యముని పురికే నడవమన్నారు

భూమి మీదను ధూముధాములు
పుట్టిపెరిగిన పిమ్మటానూ
రామ రామ యనని వారలు
రాలిపోదురు కాలి పోదురు
ముందు వెనకలు గాన కున్నారు - మూర్ఖావలీ భువిలో
ముందు గతినే యెరగ కున్నారు

కందువతో పిన్న పెద్దల
కన్నుగానక గర్వములచే
మందే వేలములాడువారిని
బందు బందుగ గోతురక్కడ
కీడెయైనను కూడదందూరు - ఒనగూడినపుడు
యేడ జూచిన వాడుకొందురూ

సంగ్రహణం


నైమిశారణ్యం

జ్యోతిగారికి ధన్యవాదములు