పురుష సూక్తం ధారావాహిక:-7

పురుష సూక్తం ధారావాహిక:-7
ప్రజాప’తిశ్చరతి గర్భే’ అంతః | అజాయ’మానో బహుధా విజా’యతే |
తస్య ధీరాః పరి’జానంతి యోనిమ్” | మరీ’చీనాం పదమిచ్ఛంతి వేధసః’ ||2-3
ప్రజాపతి పుట్టుక లేని వాడైనను ఈ బ్రహ్మాండములో నున్నను ఆయన (ప్రజాపతి విశ్వబ్రహ్మ) ఈయన (విరాట్ పురుషుడు లేక విశ్వకర్మ లేక త్వష్టర్విశ్వకర్మ) ప్రపంచమునన అనేక రూపములు గా పుట్టెను. (శంకరుడు,విష్ణు,బ్రహ్మ లేక త్వష్ట,ఇంద్రుడు,సూర్యుడు విశ్వే దేవతలు అనగా విశ్వమంతా ఉన్న దేవతలు).
జ్ఞానులు ఆ విరాట్ విశ్వకర్మ ప్రజాపతి యొక్క స్వరూపము నేరుంగుచున్నారు (లేక బ్రహ్మాండ నాభిని లేక ఆ హిరణ్య గర్భుడను).
మరీచ్యాది మున్నగు బ్రహ్మఋషులు వారి స్థానములను కోరుచున్నారు.
యో దేవేభ్య ఆత’పతి | యో దేవానాం” పురోహి’తః |
పూర్వో యో దేవేభ్యో’ జాతః | నమో’ రుచాయ బ్రాహ్మ’యే ||2-4
దేవతల కొరకు సర్వత్ర ప్రకాశించు వాడునూ (లేక సకల దేవతలకు మూల పురుషుడై ఉన్నాడో), ఎవరు పూర్వము నుంచి దేవతలకు హితుడై ఉన్నాడో (లేక దేవతలకే పురోహితుడై ఉన్నాడో లేక పురోభివృద్ది కాంక్షించి ఉన్నాడో), దేవతల కంటే పూర్వమే ఉద్భవించి ఉండినటువంటి వాడును అగు ఆ పరబ్రహ్మమునకు నమస్కారం.
రుచం’ బ్రాహ్మం జనయ’ంతః | దేవా అగ్రే తద’బ్రువన్ |
యస్త్వైవం బ్రా”హ్మణో విద్యాత్ | తస్య దేవా అసన్ వశే” ||2-5
సృష్టి యొక్క ఆది యందు సమస్త దేవతలు, పరబ్రహ్మమును గూర్చి పైన చెప్పిన విధముగా తెలుసుకొనిన జ్ఞానికి సమస్త దేవతలును వశమై ఉందురు.
హ్రీశ్చ’ తే లక్ష్మీశ్చ పత్న్యౌ” | అహోరాత్రే పార్శ్వే |
నక్ష’త్రాణి రూపమ్ | అశ్వినౌ వ్యాత్తమ్” |

లక్ష్మి దేవియును (లక్ష్మి అనగా ధనము లేక జ్ఞాణాగ్ని) శ్రిదేవియును (ఆది శక్తి లేక గాయత్రీ లేక శబ్ద బ్రహ్మము లేక నాద బ్రహ్మము) నీకు భార్యలు. రాత్రి పగలు పార్శములు.ఆశ్వన్యాది నక్షత్రములు నీ రూపము.అశ్వని దేవతలు నీ నోరు.
ఇష్టం మ’నిషాణ | అముం మ’నిషాణ | సర్వం’ మనిషాణ || 2-6
ఓ దేవా మేము కోరునట్టి జ్ఞానము ప్రసాదింపుము, ఆత్మజ్ఞానమును దయ చేయుము, సర్వమైన ఐహికాముశ్మికములను అనుగ్రహింపుము అని ప్రార్దిన్చిరి.
ఇంతటి తో పురుష సూక్తం పరిపూర్ణం. జ్ఞానవంతులైన ప్రజలందరూ ఈ విధంగా తెలుసుకుని దైవ కార్యములు చేయుదురని నా ఆశ ఆకాంక్ష మరియు ప్రార్దన.
తదుపరి అతి త్వరలో మిత్రుల కోరిక మీద సకల వేద,శాస్త్ర,ఖురాన్,పురాణ ,ఇతిహాసములలో సర్వశ్రేష్ట మరియు పురుష సూక్తము లో తెలిపిన విశ్వ సృష్టికర్త నిరాకార,నిర్గుణ, గుణాతీత, కర్మాతీత, పరమాత్ముడు, పరమేశ్వరుడు, పరబ్రహ్మ అయిన విశ్వబ్రహ్మ యొక్క విశ్వకర్మ సూక్తం సమర్పించుకుంటాను, ఈ సుక్తమునకు మించిన సూక్తం మరి విశ్వంలో లేనే లేదు! ఈ తత్వాన్నే మన మహమ్మదీయ భక్తులు మిత్రులు ఉర్దూ భాష లో "అల్లాహ్" అనే పేరు తో ప్రార్దించుకుంటారు.
ఇది సత్యం నిత్యం నిరంజనం. పరమాత్ముడు ఒక్కడే విశ్వానికి అంతటికి అతనొక్కడే నమస్కార యోగ్యుడు.
గమనిక:- తమరందరకు ఇది నా "మనవి":- ఇక్కడ ఇచ్చిన చిత్రాలు (ఫోటోలు) కేవలం అర్ధం అవుటకు ఇచ్చినవి మాత్రమే, యేమనిన పరమాత్మ నిరాకారుడు. సాకారం అనుకున్నా కాని ఆ స్వరూపం వర్ణించటం మానవ మాత్రులకు అసాధ్యం, ఆ స్వరూపం వర్ణనాతీతం.. జ్ఞానులైన తమరందరూ దయ చేసి అర్ధం చేసుకుంటారని ప్రార్దన.

*****సమాప్తం******

పురుష సూక్తం ధారావాహిక:-6

పురుష సూక్తం ధారావాహిక:-6

వేదాహమే’తం పురు’షం మహాంతమ్” | ఆదిత్యవ’ర్ణం తమ’సస్తు పారే |
సర్వా’ణి రూపాణి’ విచిత్య ధీరః’ | నామా’ని కృత్వా‌உభివదన్, యదా‌உ‌உస్తే” ||1-16

ధీరుడై క్రియా శీలుడై, సమస్త రూపములను సృష్టించి, వానికి నామకరణం కావించి (పేర్లు పెట్టి) అంతటను వ్యాపించి ఉండి పాలిస్తున్న, సూర్యుని యొక్క ప్రకాశము కుడా అతనే అయి ఉన్నాడని నేను తెలుసు కొనుచున్నాను, అతను అజ్ఞానము అనే అందకారమునకు ఆవల ఉన్నాడు.

ధాతా పురస్తాద్యము’దాజహార’ | శక్రః ప్రవిద్వాన్-ప్రదిశశ్చత’స్రః |
తమేవం విద్వానమృత’ ఇహ భ’వతి | నాన్యః పంథా అయ’నాయ విద్యతే ||1-17

ధాత అయిన త్వష్ట బ్రహ్మ(పురాణములో చతుర్ముఖ బ్రహ్మగా వర్ణించిన) చే చెప్పబడిన వాడును, ఇంద్రుని చే నెరుగబడి నలుదిక్కుల ప్రసిద్దినొంది ఉన్నవాడగు విరాట్ పురుషుని ఈ ప్రకారముగా తెలుసు కొనిన, ఈ జన్మ నుంచే అమ్రుతులు కాగలరు, వేరే మార్గము వెతకనవసరము లేదు

యఙ్ఞేన’ యఙ్ఞమ’యజంత దేవాః | తాని ధర్మా’ణి ప్రథమాన్యా’సన్ |
తే హ నాకం’ మహిమానః’ సచంతే | యత్ర పూర్వే’ సాధ్యాస్సంతి’ దేవాః ||1-18

దేవతలు తమ మానస యజ్ఞము చే యజ్ఞ రూపుడగు ఆ విరాట్ పురుషుని ఉద్భవింపజేసిరి, అతని ధర్మములే ముఖ్యము లాయెను, ఆ విరాట్ పురుషుని గూర్చి జ్ఞాన మొందిన మహానుభావులు పూర్వపు సాధ్యులు ఉండునట్టి స్వర్గమును ఈ భులోకమునే పొందెదరు.

ద్వితీయానువాకము

అద్భ్యః సంభూ’తః పృథివ్యై రసా”చ్చ | విశ్వక’ర్మణః సమ’వర్తతాధి’ |
తస్య త్వష్టా’ విదధ’ద్రూపమే’తి | తత్పురు’షస్య విశ్వమాజా’నమగ్రే” ||2-1

సమస్త రసములు కలిగిన భూమి జలము నుండి ప్రకటిత మయినది (పుట్టినది)

ఇది పరమేశ్వరుడు అయిన "విశ్వకర్మ" వలెనే జరిగినది.

ఈ బ్రహ్మాండమునకు ఆ పరమేశ్వరుడి అంశమైన విరాట్ పురుషుడు త్వష్టర్విశ్వకర్మ యజమాని .

ఆ పురుషుడే జగద్రూపమును పొందెను.

(జగదీశ్వరుడు అయిన విశ్వబ్రహ్మ ఆ పురుషునకు జగద్రూపము అనుగ్రహించెను)

వేదాహమేతం పురు’షం మహాంతమ్” | ఆదిత్యవ’ర్ణం తమ’సః పర’స్తాత్ |
తమేవం విద్వానమృత’ ఇహ భ’వతి | నాన్యః పంథా’ విద్యతే‌உయ’నాయ ||2-2

ఇట్టి పరమ పురుషుని మహా గొప్ప మహిమాన్వితునిగాను, అజ్నానమునకు పరమున ఉన్న సూర్య ప్రకాశము (సవిత) కూడా తనే (విశ్వకర్మ యే) అయి ఉన్నాడని తెలుసుకొను వారు మహా జ్ఞానులు వారు ఈ భులోకమునుంచే అమ్రుతులగుదురు (మోక్ష ప్రాప్తి), మోక్షానికి ఇంతకంటే వేరు మార్గము లేదు.

(గమనిక:-ఈ విషయము ప్రజలకు తెలియ కూడదని రాజులను మభ్య పెట్టి కుట్రలు ద్వారా వేదం చదివితే నాలుక కోసేయ బడును వింటే చెవిలో సీసం పోసేయ బడును అని ఆజ్ఞలు చేయించి నిజాన్ని కనుమరుగు పరిచారు, ఈ విధంగా ప్రజలను సంస్కృత భాషకు వేద విద్యకు దూరం చేసారు. పరమేశ్వరుడైన విశ్వబ్రహ్మ లేక విశ్వకర్మ యొక్క నాభి నుంచి ఉద్భవించిన కమలం ద్వారా పుట్టిన వాడే విరాట్ పురుషుడు అనగా త్వష్టర్విశ్వకర్మ, వీరిద్దరిని పురాణముల లో అనగా విశ్వబ్రహ్మ (విశ్వకర్మ) ను విష్ణు గాను త్వష్టబ్రహ్మ ను చతుర్ముఖ బ్రహ్మ గాను పురాణముల లో వక్రీకరించిరి/చిత్రీకరించితిరి, తరువాత కొంత కాలానికి అనగా ప్రజలు సంస్కృతం భాష జ్ఞానం కోల్పోయిన తరువాత వారికి అనుగుణంగా ఉన్న పురాణములు ప్రజల మధ్యకు ప్రవేశ పెట్టిరి.)

(తదుపరి ధారావాహిక:- 7 లో ఇంకా ఉంది).

పురుష సూక్తం ధారావాహిక:-5

పురుష సూక్తం ధారావాహిక:-5

తస్మాదశ్వా’ అజాయంత | యే కే చో’భయాద’తః |
గావో’ హ జఙ్ఞిరే తస్మా”త్ | తస్మా”జ్జాతా అ’జావయః’ ||1-11
ఆ మానస యజ్ఞము నుండి గుఱ్ఱములును, నోటిలో పైన మరియు క్రింద భాగములలో దంతములు కల గాడిదలును, ఆవులును, మేకలును,గొర్రెలను,పుట్టెను.
యత్పురు’షం వ్య’దధుః | కతిథా వ్య’కల్పయన్ |
ముఖం కిమ’స్య కౌ బాహూ | కావూరూ పాదా’వుచ్యేతే ||1-12
దేవతలు విరాట్ పురుషుని, వారి మానస యజ్ఞ సంకల్పము చే ఉద్భవింప చేసినపుడు ఆతని ముఖము ని బాహువులను కడుపును పాదములను అనేక విధములు కల్పన చేసిరి ,
బ్రాహ్మణో”உస్య ముఖ’మాసీత్ | బాహూ రా’జన్యః’ కృతః |
ఊరూ తద’స్య యద్వైశ్యః’ | పద్భ్యాగ్మ్ శూద్రో అ’జాయతః ||1-13
ముఖము బ్రాహ్మణులు అయినటుల, బాహువులు క్షత్రియులు అయినటుల, కడుపు వైశ్యులైనటుల మరియు శూద్రులు పాదముల ద్వారా పుట్టినట్లు ఉహించిరి,
చంద్రమా మన’సో జాతః | చక్షోః సూర్యో’ అజాయత |
ముఖాదింద్ర’శ్చాగ్నిశ్చ’ | ప్రాణాద్వాయుర’జాయత ||1-14
ఆ విధముగానే మనస్సు నుండి చంద్రుడు ను, నేత్రముల నుండి సూర్యుడును, ముఖమునుండి ఇంద్రాగ్నియును, ప్రాణము నుండి వాయువును పుట్టిరి,
నాభ్యా’ ఆసీదంతరి’క్షమ్ | శీర్ష్ణో ద్యౌః సమ’వర్తత |
పద్భ్యాం భూమిర్దిశః శ్రోత్రా”త్ | తథా’ లోకాగ్మ్ అక’ల్పయన్ ||1-15
అతని నాభి నుండి అంతరిక్షమును ఏర్పడెను, ఆయన శిరము వలన స్వర్గము, పాదముల వలన భూమి ను, చెవుల నుండి దిశలు ను అని దేవతలు కల్పించిరి (ఉహించిరి).
(తదుపరి ధారావాహిక:-6 లో ఇంకా ఉంది).
గమనిక:- తమరందరకు ఇది నా "మనవి":- ఇక్కడ ఇచ్చిన చిత్రాలు(ఫోటోలు) కేవలం అర్ధం అవుటకు ఇచ్చినవి మాత్రమే, యేమనిన పరమాత్మ నిరాకారుడు. సాకారం అనుకున్నా కాని ఆ స్వరూపం వర్ణించటం మానవ మాత్రులకు అసాధ్యం, ఆ స్వరూపం వర్ణనాతీతం.. జ్ఞానులైన తమరందరూ దయ చేసి అర్ధం చేసుకుంటారని ప్రార్దన.
(మీ, ఆచార్యవిశ్వబ్రహ్మ @ నామగిరి గణపతి రమణాచార్య)